Skip to the content

Algemene Inligting

Die ATKV-Tienertoneelkompetisie kweek ’n liefde vir toneelskepping in Afrikaans, toneelspel en teater-kyk by hoërskoolleerders. Die oudste projek van die ATKV bied ’n platform vir talentontwikkeling en is ’n smeltkroes van kreatiwiteit.

Met ATKV-Tienertoneel word elke regisseur aangemoedig om die leerders soveel geleenthede as moontlik te gee om by al die aspekte van die projek betrokke te raak, met ander woorde by die regie, kostuums, dekor, grimering, klank, beligting, verhoogbestuur, choreografie, ensovoorts.

Vir meer inligting oor ATKV-Tienertoneel kontak vir Charlton Lee by charltonl@atkv.org.za of 011 919 9077.

Daar is DVD’s beskikbaar van die afgelope paar jaar se ATKV-Tienertoneelfinale (2011 tot 2018) – teen R130 ’n DVD. ’n Veeldoelige ATKV-Tienertoneelrekwisietesak is ook beskikbaar teen R130 ’n sak.

Klik hier om die DVD-bestelvorm af te laai.

Hoe skryf ’n mens ’n dramateks?

Maklik. Jy sit karakters op ’n verhoog en jy laat hulle praat.

Hoe skryf jy ’n dramateks wat ’n gehoor amuseer, ontroer, stimuleer en selfs uitdaag?

Dit is ’n bietjie moeiliker.

Die ATKV bied van 23 tot 24 April 2020 ’n skryfskool by die Cherry Place Kafeteria & Konferensiesentrum in Port Elizabeth aan. Koste beloop R1300 per persoon – dit sluit die kursusmateriaal, middagetes en ligte verversings vir die twee dae in.

Klik hier vir meer inligting.

tienertoneel 2018
tienertoneel 2018
tienertoneel 2018
tienertoneel 2018