Skip to the content

Takke-spoghoekie

Die ATKV-takke is die hart van die ATKV en deur hul projekte en werksaamhede in hul gemeenskappe help hulle om ’n beter Suid-Afrika te bou. Soos wat oupas en oumas met ’n “brag”-boeke rondloop, so spog ons hier oor ons takke.

Hilde Alet Malan skilder kunstenaar

ATKV-taklid woeker met die kwas

Hilde Alet Malan (33) is ’n geharde boervrou en trotse lid van die ATKV-tak Gamtoosvallei, maar haar indrukwekkende kunswerke trek aandag en het veroorsaak dat sy boerdery opgegee het en nou voltyds ’n kunstenaar is.

Comienzo Boere nood kospakkies

ATKV-tak Comienzo help boere in nood

Boere in die Boesmanland, soos ook elders in die land, gaan tans gebuk onder ’n sewe jaar lange droogte. Volgens baie is dit die ergste droogte in dekades, en die uitwerking daarvan op boere is enorm. Sommige boere kan nie eers die mees  basiese dinge, soos toiletware, bekostig nie.  Boonop moet hulle daagliks toekyk hoe hul vee van die honger en dors vrek. Die ATKV-tak Comienzo het besluit om boere in die Willowmore-streek by te staan in hulle tyd van nood.

Hart vir kinders

Om iets van jou eie te hê, iets wat nét joune is, bring hoop en ’n gevoel van veiligheid in onsekere tye. Veral as jy maar nog ’n kind is. Dié wete het Tracey van Wyk, voorsitter van die ATKV-tak Kosmosrand in Secunda, aangespoor om vir kinders van Janelle-huis, ’n deurgangshuis vir kinders wat deur die SAVF bestuur word, elk hul eie kombers te gee.

Die ATKV en AON help onnies om kinders leesgereed te kry

Meeste kinders kan nie met begrip lees nie en die Afrikaanse Onderwysnetwerk (AON) en die ATKV wil iets hieromtrent doen deur die aanbied van ’n leesgereedmakingsprogram vir grondslagfase-onderwysers. Die leesgereedmakingsprogram is deur die neuro-ontwikkelingskenner, dr. Melodie de Jager van Mind Moves, ontwikkel.

ATKV-tak Arendsnes laat die oorde kleurvol ROCK

ATKV-tak Arendsnes het met die unieke ATKV-Rocks-projek vorendag gekom en Monique Brink, die takvoorsitter, verduidelik dat hulle hiermee die besoekers by die ATKV-oorde bewus wil maak van die doen en late van die ATKV-takke. Verder wil die tak ook betrokkenheid onder taklede verhoog. Deelname aan dié nuwe kreatiewe  skattejag sal ook bietjie kleurvolle verligting en ontvlugting in hierdie uitdagende tye bring.

Freek Robinson kuier in Graaff-Reinet

Freek, wat veral bekend is as nuusanker vir eNuus en die aanbieder van Fokus, het onlangs sy memoires, Op die man af, oor sy 45 jaar in die joernalistiek bekendgestel.

Die ATKV is toekomsfiks

Ruzanne van Beulen, lid van ATKV-tak Sommer net ons, deel haar gedagtes oor die jeug se optimistiese kreatiwiteit.

Snaakse teaterproduksie skep positiwiteit en samesyn

Die Kunstetrust en die ATKV, het besluit om met die skreeusnaakse teaterproduksie, Sjarrap en eet jou kos, na ATKV-takke en dorpe in die Vrystaat, Noord-Kaap en Oos-Kaap te neem.

Jannie du Toit toer saam met die ATKV

Jannie du Toit vier vanjaar sy 50ste jaar as sanger, en om hierdie mylpaal te vier, toer Jannie saam met die ATKV deur die Vrystaat en die Oos-Kaap.

Nuwe leesprojek bemagtig kinders in die Noord-Kaap

Die ATKV-tak Rooiduin het ’n nuwe leesprojek van stapel gestuur om kinders op grondslagfase met lees te help. “Rinkink terwyl jy dink” is ’n leesprogram wat deur die onderwyseres, Leandré Steyn, ontwikkel is en sy het saam met die ATKV-tak Rooiduin gewerk om dié unieke program in 26 skole in die Noord-Kaap te implementeer.