Skip to the content

Takke-spoghoekie

Die ATKV-takke is die hart van die ATKV en deur hul projekte en werksaamhede in hul gemeenskappe help hulle om ’n beter Suid-Afrika te bou. Soos wat oupas en oumas met ’n “brag”-boeke rondloop, so spog ons hier oor ons takke.

ATKV-tak Téhilah woeker op Touwsrivier

Die ATKV-tak Téhilah op Touwsrivier laat nie gras onder sy voete groei nie en maak ’n beduidende verskil in dié dorpie se gemeenskap.

Dramawerkswinkels in NK vuur leerders se kreatiwiteit aan

Ná die sukses van die ATKV-takke en Reckless Haven Produksies se dramawerkswinkels in die Oos-Kaap, het aspirantteatergeselskappe in die Noord-Kaap ook nou die geleentheid kry om die nodige kennis en gereedskap te ontvang om hulle drome na te streef.

Koop boeretroos en red ’n renoster

Die ATKV-tak Cum Laude het hande met Proe’tes Coffee gevat en vir elke pak koffie wat jy koop, word 10% aan die Limpopo Renosterbewaringsgroep geskenk.

ATKV-taklid en Mev. Suid-Afrika-semi-finalis wil enkelma’s bemagtig

Ystervrou Berenice Kogana, wat ’n lid van die ATKV-tak Langsous in Mosselbaai is, het onlangs na die semi-finaal van Mev. Suid-Afrika deurgedring en sal graag as sy die titel wen ander enkelma’s wil inspireer en bemagtig.

ATKV-lid bekoor met debuutjeugroman

Ons het al almal ’n Lotto-kaartjie gekoop en gedroom hoe ons die boerpot wen, ons skuld delg, dalk ’n huis koop en ’n eilandvakansie hou.
Min van ons is dit beskore om miljoene te wen. Inteendeel, die kans is groter dat jy deur weerlig getref sal word.
Maar, in Tertius Jansen van Rensburg se debuutjeugroman, Wat Werner doen met sy drie miljoen, kry drie tienerseuns dit wraggies reg om die Lotto te wen en kom hulle voor ’n kruispad te staan.
Tertius van ATKV-tak Port Elizabeth het in 2019 LAPA se jeugromankompetisie gewen en sy boek is in Maart vanjaar uitgegee.

ATKV en Gladiators takel boeliery

Gladiators maak eersdaags sy terugkeer op die kassie en hulle het een doel voor oë: om boeliery ’n uitklophou toe te gee. Die ATKV en dié spiertiere gaan ook kragte saamspan.

ATKV-takke: Ons naam is ons trots

Baie ATKV-takke wil ’n wesenlike verskil in hul gemeenskap maak. Hulle bied ’n helpende hand waar nodig en woeker met uiteenlopende projekte om Afrikaans te bevorder. Dit is egter baie van hierdie takke se kreatiewe name wat boekdele spreek vir hul goeie dade.

ATKV-takke wil teruggee op Mandeladag

Dit is moeilik om in hierdie ongewone tye positief te bly, maar ondanks al die ellende gaan Suid-Afrikaners op 18 Julie met Mandeladag ’n verskil maak en die ATKV-takke gaan ook hulle deel doen.

Dié takke presteer in 2020

Die ATKV beloon jaarliks tydens die AJV takke wat ʼn bydrae gemaak het tot die ATKV se visie en missie deur projekte wat hulle in hulle gemeenskappe en streke aangebied het. Hierdie jaar word toekennings in vier kategorieë gedoen, naamlik mees funksionele tak, lees, innovasie en die vier hooffokusse van die ATKV.

Stigter van jeugtak woeker in Afrikaans in Viëtnam

Al woon Charmaine Marchman in ’n vreemde land met ’n vreemde taal, keer dit haar nie om haar moedertaal uit te leef nie, inteendeel, al bevind sy haarself deesdae in Viëtnam luister sy steeds RSG en kyk sy getrou 7de Laan.