Skip to the content

Nuus

ATKV-Crescendofinalis stel CD bekend

Die ATKV kondig met trots aan dat Whaden Johannes se CD, Mamre, op 31 Julie 2019 in Kaapstad by die House of H bekendgestel word.

Uittreksel: Vervleg van Petro Hansen

Petro Hansen skryf sedert 2012 vir Die Burger rubrieke en was ook Beeld se Dinsdag-rubriekskrywer. In 2019 word sy deur die Cordus-trust vereer met die Orde van die Beiteltjie van die Afrikaanse Woordkunsakademie. Vervleg is ’n versameling van haar rubrieke wat die mense saam laat lag en huil het.

ATKV-Applousfinaal sluit op hoë noot af

Op Saterdag 27 Julie, die laaste dag van die ATKV-Applousfinaal, het kore in die  hoërskool prestige-afdeling vir meisies, seuns en gemengde kore deelgeneem. In die afdeling hoërskool prestige: seuns is Paul Roos Gimnasium as wenner aangewys, met Afrikaanse Hoër Meisieskool Pretoria as wenner in die afdeling hoërskool prestige: meisies en Die Hoërskool Menlopark as wenner in die afdeling hoërskool prestige: gemeng.

Koorsang uit die boonste rakke by ATKV-Applousfinaal

Op Vrydag 26 Julie het kore in die hoërskool meriete-afdeling deelgeneem by die ATKV-Applousfinaal. Hoër Meisieskool La Rochelle kraai koning in die afdeling hoërskool meriete: meisieskoor en Hoërskool Akasia is die algehele wenner in die afdeling hoërskool meriete: gemengde koor.

Voortreflike koorsang by die ATKV-Applousfinaal

Op Donderdag 25 Julie het kore in die volgende afdelings: laerskool prestige, laerskool ope afdeling en hoërskool ope afdeling deelgeneem. Hier volg die uitslae.

Engelstemme bekoor tydens ATKV-Applousfinaal

Die 42ste aanbieding van ATKV-Applous, landswye koorfees vir hoër- en laerskoolkore, vind vanaf 24-27 Julie in Bloemfontein plaas. Op 24 Julie het die kore in die laerskool meriete-afdeling vir Afrikaans sowel as nie-Afrikaanse kore deelgeneem.

Maak ’n verskil met die #Weesdieverskil-veldtog

Takke en hulle lede van regoor die land word aangemoedig om deel te word van die #Weesdieverskil-veldtog. Deur dié veldtog kan takke ’n verskil maak in hul onmiddellike omgewing en gemeenskappe. 

Uittreksel: Gedeeltelik bewolk deur Ruan Kemp

"Heilige koeie word hier links en regs geslag. En anders as die meeste Afrikaanse boeke het dit nie ’n bang haar op die kop nie. Kom wat wil." - Toast Coetzer. Gedeeltelik Bewolk is Ruan Kemp se pittige, aweregse debuutroman wat vir seker jou wind gaan uitslaan.

Beste SA skoolkore weer in die Rosestad

Vanaf 24 Julie tot 27 Julie tree die room van skoolkore in die Sand du Plessis-teater in Bloemfontein op.  Veertig hoër- en laerskoolkore ding mee tydens die finaal van die 42ste aanbieding van ATKV-Applous.

Streeksbyeenkomste 2019 skop af

Die eerste ATKV-streeksbyeenkoms vir 2019 het op Saterdag 13 Julie by die prentjiemooi ATKV-Drakensville plaasgevind. Daar het ATKV-taklede van so ver as Johannesburg en Durban gereis om dié geleentheid by te woon. Baie lede het Sonél Brits, die besturende direkteur van die ATKV-MSW, vir die eerste keer ontmoet en die geleentheid gekry om hulle vrae en idees met haar te deel. Sonél Brits het klem gelê op die belangrikheid van takke se bydra tot die sukses van die organisasie.

Komedie-aand net die doepa vir moedeloosheid

Durbaniete kan hulle maagspiere staal vir ’n aand vol humor wanneer die ATKV-tak Durban en die NG Kerk Suidkus hulle komedie-aand aanbied. Die grapjas Wynand van Vollenstee (Gielie van Ouboet en Wors) gaan te sien wees in sy eie produksie Gewigtige Saak, en die Getroud met Rugby-aktrise Michelle Botha gaan die gehoor vermaak met haar  Storm in a F Cup.

Lees in jou eie taal op Mandeladag

Die ATKV weet maar te goed wat oudpresident Nelson Mandela bedoel het toe hy genoem het dat om met 'n persoon in sy moedertaal te praat, met sy hart spreek. Daarom is moedertaal en meertaligheid so belangrik vir ons. Selfs in die plattelandse gebiede. Op 18 Julie vier die ATKV Mandeladag saam met die nasorgsentrum van Roepersfontein, die plaas van die bekende Piet Karsten in die Upingtondistrik.  

Abbasorg

ATKV-AbbAsorg waar elkeen saak maak

“Die ATKV-AbbAsorg van Bloemfontein het voorwaar die afgelope 12 jaar ’n groot verskil in die kleuters se lewens gemaak. Dit gee aan hulle die geleentheid om te presteer en uit te styg bo hul omstandighede,”

ATKV laat lid se groot droom ’n werklikheid word

Volgens Ruzanne wou sy nog altyd met taal werk. “Ek wou ’n skrywer of ’n joernalis word, maar my ma was die enigste broodwinner met sewe kinders. Daar was nie geld om te gaan studeer nie. Deur die ATKV kan ek my nou uitleef en hoog vlieg in my taal.”

Die Jongerenprojek Netwerk (JPN) besoek die Lae Lande

Die Jongerenprojek Netwerk (JPN) is ’n onafhanklike organisasie wat ten doel het om die bande tussen Afrikaanssprekende jongmense van Suid-Afrika en die Nederlandssprekende jongmense van die Lae Lande (België en Nederland) te versterk. Elke tweede jaar word Suid-Afrikaanse studente gekeur om die Lae Lande te besoek en omgekeerd. Verlede jaar het studente uit Nederland en België Suid-Afrika besoek en vanjaar is dit weer die Suid-Afrikaanse studente se beurt.  Mandie Ehlers van die ATKV se taalafdeling is voorsitter van die JPN en ook een van die begeleiers van vanjaar se besoek. Sy vertel meer oor haar wedervaringe in die Lae Lande en wat sy alles oor haar eie taal daar in die vreemde leer.

KYK: ATKV bemagtig kunsteliefhebbers

Die ATKV en Artéma van die Noordwes-Universiteit het onlangs ‘n kursus in fees- en projekbestuur aangebied. Rumarques Gelderbloem het met Mariette Kotze en Elsabé Cloete, albei kursusgangers, gesels.

Kleuters leer binne én buite klaskamer

In die plattelandse dorpie Ruiterbos – geleë tussen Oudtshoorn en Mosselbaai – vier armoede en werkloosheid hoogty. Dis uiteraard nie ideale omstandighede vir ‘n kind nie, maar danksy die ATKV-AbbAsorgsentrum Boskabouters kry kinders voorskoolse onderrig én twee gebalanseerde etes.

Kom moker ’n paar balle vir liefdadigheid

Die ATKV-tak Vuurwarm vir Charity bied op 15 Augustus 2019 ’n gholfdag by die Blue Valley Gholflandgoed in Midrand aan om kleuterskole en minderbevoorregte gesinne by te staan.