Skip to the content

Korporatiewe nuus

Formidabele dr. Danny Titus oorlede

Dr. Danny Titus, voormalige uitvoerende hoof: korporatiewe aangeleenthede by die ATKV, is Vrydag in die ouderdom van 63 jaar oorlede.

Marlene le Roux

Marlene le Roux verkies tot voorsitter van ATKV-direksie

Marlene le Roux, ’n bekende kampvegter vir Afrikaans, kultuur, die jeug en gestremdes, is verkies tot die voorsitter van die direksie van die ATKV-MSW (maatskappy sonder winsbejag).

AJV 2020: Uitslae van stemming

Die algemene jaarvergadering van die ATKV het vanjaar in die 90ste bestaansjaar van dié organisasie vir die eerste keer digitaal plaasgevind. Die uitslae van die stemming is soos volg:

ATKV 90

ATKV word 90: Steeds ’n lig wat wink, ’n vlam wat skroei

2020 is ’n jaar wat ons vir altyd sal bybly. Die lewe soos ons dit geken het, het handomkeer verander. Die Covid-19-pandemie het veroorsaak dat die skerp reuk van ontsmettingsmiddels en die anonimiteit wat gesigmaskers verskaf die nuwe normaal geword het. 2020 sal ook onthou word as die jaar waarin die ATKV nege dekades van opbou, uitbou en voortbou van die Afrikaanse taal vier.

 

Webinaar: Hoe begin ek my eie besigheid?

Twee kundige entrepreneurs, Francois Naude en Albert van Wyk, bied ’n gratis webinaar op Donderdag 20 Augustus 2020 om 16:00 aan spesifiek vir leerders en hulle ouers wat belangstel in die uitdagende wêreld van entrepreneurskap.

ATKV-Idiome Sonder Woorde-kompetisie: Hier is die wenners

Teen die tyd ly die meeste van ons al weens die inperking aan kajuitkoors. Ons is emosioneel getap. Gefrustreerd en so hol soos ’n kalbas. Die ATKV het met sy Idiome Sonder Woorde-kompetisie vir leerders kreatief uitgedaag om hulle lewe tydens die pandemie meer draaglik te maak en die inskrywings het as’t ware die beoordelaars dronkgeslaan.

Nou is die tyd vir die jeug om hulself te bemagtig

Ter viering van Jeugdag gee die ATKV toe dat die inperking baie eise aan die jeug stel, maar ons glo dit is juis nou die tyd vir jongmense om aanpasbaar te wees en hulle vaardighede op te skerp.

Webinaar: Gee kinders met leeruitdagings vlerke!

Elke kind in jou klas is uniek, elkeen van hulle anders. Maar wat van dié wat ’n bietjie moeilik-anders is? Wat van die kind wat nie wil luister nie, die kind wat nie kan stilsit nie of die kind wat net nie aandag gee nie?

Moenie Afrikaans inperk nie

In onseker tye met baie maatskaplike uitdagings moet ons nie die positiewe rol wat taal kan speel onderskat nie. Ons het as Afrikaanssprekendes die verantwoordelikheid om ons taal op te pas en te gebruik.

Hoe goed is jou Afrikaans?

Kom wys jou slag met Afrikaans! Nie net kan jy as die Afrikaanskampioen gekroon word nie, maar jy sal ook met ’n prys of twee kan wegstap.

Onnies en leerders, hier is ’n kursus of twee

Twee van die ATKV-Entrepreneurskompetisie se beoordelaars bied kursusse aan om onderwysers, sowel as leerders, te bemagtig tydens die staat van inperking.

Só kan jou kind gratis leer om beter te lees

Met Reading Rocket, in samewerking met die ATKV, kan jy jou kind se leesvermoë opskerp, en dit is boonop tydens die staat van inperking gratis.

ATKV-projekte: 'Ons sien uit na die toekoms'

Die ATKV-MSW besef dat die koronavirus groot uitdagings aan ouers, onderwysers en leerders stel. "Ons is hard aan die werk om te verseker dat sodra dinge weer na normaal toe terugkeer ons kan voortgaan met die aanbied van die projekte."

Dr. Danny Titus deur Worcester vereer

Dr. Danny Titus, uitvoerende hoof: korporatiewe aangeleenthede van die ATKV, het as deel van sy geboortedorp, Worcester, se 200ste bestaansjaarvieringe die Freedom of the Town ontvang.

koronavirus

Koronavirus: Kommunikasie aan ATKV-kliënte

Die ATKV hou die gebeure rondom die uitbreking van die koronavirus (COVID-19, deur SARS-CoV-2 veroorsaak), wat deur die Wêreldgesondheidorganisasie (WGO) as ’n wêreldwye gesondheidsnoodtoestand verklaar is, baie fyn dop – veral ten opsigte van die impak op die gasvryheidsindustrie in Suid-Afrika, asook projekte waarby die ATKV-MSW betrokke is.

Variante van Afrikaans moet omarm word, hoor Woordfeesgangers

Afrikaanssprekendes moet eienaarskap van hul taal vat, die variante omarm, begin om ’n verskil te maak in hul gemeenskap en positief oor Afrikaans bly. Dit was van die menings Vrydag by die ATKV se gesprekspaneel, Kô ons gesels by die TOYOTA US-Woordfees op Stellenbosch. 

ATKV wil eenheid in diversiteit vier by Woordfees

Hoe kweek jy eenheid in diversiteit en is dit moontlik? Die ATKV wil vanjaar by die TOYOTA US-Woordfees op Stellenbosch dié moontlikheid ondersoek met sy gesprekspaneel, Kô ons gesels.

Kom ontmoet die akteurs en skeppers van die skreeusnaakse 'Hotel'

Nou kan jy by die ATKV se Inkstories self by die skeppers en die akteurs van "Hotel" kom hoor hoe dié immergewilde en Safta-bekroonde komediereeks tot stand gekom het.

beter afrikaans

Hoërskoolleerders, wys jou slag in Afrikaans

Aandag alle hoërskoolleerders! Kom wys jou slag met Afrikaans! Neem deel aan Beter Afrikaans se heel eerste skolekompetisie. Nie net kan jy as die Afrikaanskampioen gekroon word nie, maar jy sal ook met ’n prys of twee kan wegstap.

charl du plessis

Unieke KKNK-konserte in die Kangogrotte

Vir die eerste keer sedert 1996 word daar twee konserte in die Kangogrotte tydens die KKNK aangebied. Die unieke en eenmalige konserte wat met spesiale toestemming aangebied word, beloof om twee onvergeetlike aande te wees saam met Charl du Plessis en Karen Zoid.

Skop nuwe genres oop in Afrikaans

Net omdat ’n boek, rolprent of teaterstuk in Afrikaans is, beteken nie resensente moet dit lof toeswaai nie. Hierdie stelling van Willie Burger, ’n Suid-Afrikaanse akademikus, resensent en skrywer, het Woensdagaand ’n warm debat ontketen tydens die eerste ATKV-Inkstories van 2020 by Exclusive Books in Sandton.

lees

LAPA Uitgewers aan Penguin Random House verkoop

Die ATKV het LAPA Uitgewers, ’n filiaal van die ATKV, aan Penguin Random House verkoop. Vanaf einde Februarie sal LAPA Uitgewers nie meer onder die ATKV ressorteer nie.

Kom gesels saam oor #Afrikaans

Ter viering van Internasionale Moedertaaldag (21 Februarie) gaan die ATKV saam met ’n formidabele paneel in #Afrikaans oor ’n glas wyn en vingerhappies kuier. En jy is ook genooi...

Kom leef jou liefde vir tale uit

’n Propvol program word by die Goethe-Instituut in Parkwood, Johannesburg, ter viering van Internasionale Moedertaaldag aangebied. Op hierdie dag kan mense basiese Afrikaans aanleer en boonop leer hoe ’n mens in Afrikaans flankeer! 

Oudspoorwegman vier 90ste saam met die ATKV

Hy het twee oorloë oorleef, die kom en val van apartheid gesien, en selfs nou, aan die begin van ’n nuwe dekade, is die 90-jarige Johan van Deventer ’n trotse lid van die ATKV.

beter afrikaans

Is jou Afrikaans tops? Skryf in en wen

Is jy daardie mens wat graag vir ander daarop wys dat hulle verkeerd spel, taalreëls op die palm van jou hand ken en ’n oorval kry oor die swak Afrikaans wat mense besig? Dan het ons net die kompetisie vir jou.

matriekuitslae

Geluk aan matrieks; harde werk lê voor, sê Seymour Bothman

Die bekendstelling van die matriekuitslae is op almal se lippe. Vir die eerste keer in baie jare is die slaagsyfer meer as 80%. Seymour Bothman, bestuurder: onderwys by die ATKV, gee sy indrukke.

Taaldiversiteit onder die loep by #OnseFees

Taaldiversiteit het onlangs tydens die taalgesprek by die #OnseFees onder die loep gekom. Afrikaans se diverse aard is deur ’n paneel kundiges vanuit verskillende hoeke belig.

#OnseFees: Rakkers kan saam kom makietie

Ouers kan heerlik makietie by die #OnseFees en met ’n geruste hart weet dat die kleingoed na omgesien word en hulle ook hul dosis pret inkry. 

groet-is-'n-moet

Kom smul en kuier saam by #Onsefees se Groet-is-’n-moet

Heerlike kos, goeie geselskap en vermaak uit die boonste rakke – is dit nie hoe ons almal die Desembervakansie wil afskop nie?

spanredenaars

ATKV-Spanredenaars: 'Ek sê' word nou ook 'ons sê'

Die ATKV-Spanredenaarskompetisie was vir die afgelope 40 jaar die baba van ATKV-tak Suid-Gauteng Spanredenaars, maar gaan nou tot ’n nasionale kompetisie uitgebrei word.

onsefees

Kom makietie en vier diversiteit by #OnseFees

Tydens die #OnseFees wat op 6 tot 8 Desember by die Taalmonument in die Paarl aangebied word, gaan jonk en oud die geleentheid kry om kreatief met Afrikaans en die kunste om te gaan.

 

bart de graaff

Nuwe boek oor vergete Griekwa-kaptein sien die lig

Die Nederlandse historikus en joernalis Bart de Graaff het sy boek op 6 November by die ATKV se hoofkantore in Randburg bekendgestel. 

studentesimposium

ATKV borg SAAWK se Studentesimposium

Die ATKV was onlangs een van die trotse borge van die tweede Studentesimposium vir die Sosiale en Geesteswetenskappe, aangebied deur die Suid-Afrikaanse Akademie vir Wetenskap en Kuns (SAAWK).

vlymskerp

Blitsbreine skitter tydens Vlymskerp

Slimkoppe en boekwurms het onlangs hul blitsbreine se spiere gebult by die ATKV en Netwerk24 se Vlymskerp-vasvra in Port Elizabeth.

maboneng

Maboneng Township Arts Experience kry toekenning

Die Maboneng Township Arts Experience tydens Aardklop wat in samewerking met die ATKV aangebied is, is onlangs met die Aardkloptoekenning vir grensverskuiwende werk beloon.

leesaflos

Maak ’n verskil met dié leesaflos

Die ATKV en WOW begin in November saam met LAPA Uitgewers ’n leesaflos wat nie net lees by skole sal bevorder nie, maar ook ’n verskil in die gemeenskap kan maak.

ATKV ondersteun eerste Pretoria FM-boekefees

Die Pretoria FM-boekefees in samewerking met Beeld en die ATKV het die perfekte geleentheid gebied om juwele uit die skatkis van ons taal te ontgin. Die fees het oor drie dae plaasgevind en die doel van die fees was om die skatte in Afrikaanse letterkunde na die hoofstad te bring en dit vir elkeen toeganklik te maak. 

Die ATKV bemagtig teaterskeppers by vanjaar se Aardklop

Individue wat deel wil wees van die tegnologiese wonderwêreld van die teater kan die teatertegnologiekursus tydens vanjaar se Aardklop bywoon en eerstehands kennis maak met die aspekte van teatertegnologie en die teaterbedryf. Persone wat reeds ondervinding het, kan hulle bestaande kennis en vaardighede opskerp. Kursusgangers kan dus uitsien na leiding in onder meer algemene teateroriëntering, verhoogbestuur, klank en beligting.

Nuwe boekefees vir Jakarandastad

Die Jakarandastad spog eersdaags met hulle eie Boekefees. Dit word moontlik gemaak deur organisasies wat lief is vir taal en boeke.  Vanaf 12 tot 14 September bied Pretoria FM, met die ATKV as een van die vennote, hul eerste Boekefees in Pretoria by Loftus Park aan. Die ATKV is baie opgewonde oor die nuwe vennootskap met Pretoria FM omdat hulle dit eens is dat lees nuwe wêrelde vir mense oopmaak.

Finaliste van ATKV-Woordveertjies bekend

Die tyd vir woorde en wenners is net om die draai wanneer die jaarlikse ATKV-Woordveertjies op Vrydag 6 September by die Adam Small-teater in Stellenbosch aangebied word. Tydens hierdie prestige-geleentheid word uitsonderlike prestasie rondom die Afrikaanse woord bekroon. Hiermee die finaliste.

Verryk jou wêreld met Koop-’n-Afrikaanse-boekdag

Hoeveel keer het jy nie al in ’n boekwinkel gestaan met die nuutste Deon Meyer of Ingrid Winterbach boek en gewik en geweeg of jy hom moet koop nie? Wanneer jy die groot sprong maak en jou weg vind na die kassier, begin jou gewete aan jou knaag. Moet jy nie maar wag tot die boek op uitverkoping is nie? Betaaldag is nog vêr en jou finansies lyk maar beroerd.
Op 14 Augustus met Koop-’n-Afrikaanse-boekdag kan jy gerus daai lastige stemmetjie sus en daai speurverhaal of kinderboek vir die rakkers koop.

ATKV: Kies jou gratis boek vir 2019

Lekker Afrikaanse boeke is deel van ons Afrikaanse kultuur en daarom gee die ATKV jaarliks vir sy lede ’n gratis boek. Die doel van hierdie voordeel is om lees te bevorder. Jy kan vanjaar uit drie kategorieë kies. Oefen jou keuse uit en stuur voor 15 Augustus 2019 terug.

ATKV-Crescendofinalis stel CD bekend

Die ATKV kondig met trots aan dat Whaden Johannes se CD, Mamre, op 31 Julie 2019 in Kaapstad by die House of H bekendgestel word.

Die Jongerenprojek Netwerk (JPN) besoek die Lae Lande

Die Jongerenprojek Netwerk (JPN) is ’n onafhanklike organisasie wat ten doel het om die bande tussen Afrikaanssprekende jongmense van Suid-Afrika en die Nederlandssprekende jongmense van die Lae Lande (België en Nederland) te versterk. Elke tweede jaar word Suid-Afrikaanse studente gekeur om die Lae Lande te besoek en omgekeerd. Verlede jaar het studente uit Nederland en België Suid-Afrika besoek en vanjaar is dit weer die Suid-Afrikaanse studente se beurt.  Mandie Ehlers van die ATKV se taalafdeling is voorsitter van die JPN en ook een van die begeleiers van vanjaar se besoek. Sy vertel meer oor haar wedervaringe in die Lae Lande en wat sy alles oor haar eie taal daar in die vreemde leer.

KYK: ATKV bemagtig kunsteliefhebbers

Die ATKV en Artéma van die Noordwes-Universiteit het onlangs ‘n kursus in fees- en projekbestuur aangebied. Rumarques Gelderbloem het met Mariette Kotze en Elsabé Cloete, albei kursusgangers, gesels.

Ontdek ’n nuwe fantasiewêreld saam met jou kinders

Die derde Kinderstorie-krôl by Innibos bied vanjaar weer ’n kreatiewe ruimte vir kinders om te speel, te lees en te leer in hul moedertaal.

Koffie, beskuit, heerlike kos en kuns by SPAR Kirkwood Wildsfees

Die ATKV-tak Kirkwood is oudergewoonte vanjaar weer betrokke by die SPAR Kirkwood Wildsfees, en vanjaar gaan die tak ’n snoesige tuiste vir feesgangers skep. Volgens Elda Kruger, streeksbestuurder vir ATKV-takke, sal daar heeldag koffie, tee, beskuit en ander heerlike tuisgebak en wildsvleisgeregte beskikbaar wees by die ATKV/Die Burger se Koek-op-die-Stoep kuierplek by die Hoërskool Kirkwood se ondersteunersklub.

Die ATKV onthou tannie Katriena

Op Vrydag 31 Mei 2019 is die hartseer nuus ontvang dat tannie Katriena in die ouderdom van 102 jaar oorlede is. ’n Spesiale ruiker van die ATKV-tak Rhenosterberg tesame met van haar sertifikate wat sy deur die jare van die ATKV ontvang het, is in ’n uitstalling in die voorportaal van Huis Karee geplaas ter nagedagtenis aan haar betrokkenheid en getroue ondersteuning aan die ATKV.

"Kulturele diplomasie kan die uitdagings van die samelewing oplos"

Hedendaagse uitdagings soos klimaatsverandering en die vlugtelingkrisis in Europa kan deur kuns en kultuur aangespreek word. Só meen die Nederlandse ambassadeur vir Suid-Afrika, Sy Eksellensie mnr. Han Peters. 

ATKV: groot fokus op gemeenskappe

Die ATKV, wat vanjaar sy 89ste bestaansjaar vier, se algemene jaarvergadering is vandeesweek by ATKV-Klein-Kariba gehou. Vanjaar se tema was Wat kan die ATKV en sy takke doen om ’n beter Suid-Afrika te bou?

ATKV verwelkom Marlene le Roux as direksielid

Marlene le Roux, ’n bekende kampvegter vir Afrikaans, kultuur, die jeug en gestremdes, is tydens die ATKV se algemene jaarvergadering by ATKV-Klein-Kariba (Bela-Bela) verkies tot die direksie van die ATKV-MSW (maatskappy sonder winsbejag). 

Kom gesels saam oor Kulturele Diplomasie

Kom kuier op 5 Junie om 18:00 vir 18:30 saam met die ATKV en die ambassadeur van die Koninkryk van Nederland vir Suid-Afrika, Sy Eksellensie meneer Han Peters en gesels saam oor Kulturele Diplomasie.

Simon Witbooi (Hemelbesem).

Kom kuier saam met die ATKV by die Upington Expo

Besoekers aan die Upington Expo, vanaf 2 tot 4 Mei, kan vanjaar uitsien na verskeie aktiwiteite wat met trots deur die ATKV aangebied word.

Makhosi Khoza: Kyk verby apartheid wanneer jy na Afrikaans kyk

Ons moet ophou om Afrikaans te stigmatiseer en verantwoordbaar vir die taal se konnotasies aan apartheid te hou. Só sê dr. Makhosi Khoza, voormalige politikus en voorstaander vir die bevordering van inheemse tale.

tommy truscott

Tommy Truscott as finansiële direkteur aangestel

Die Afrikaanse Taal- en Kultuurvereniging (ATKV) is trots om aan te kondig dat Tommy Truscott met ingang 1 April 2019 as die finansiële direkteur van die ATKV-groep aangestel is.

ATKV ondersteun NWU-kampusdebat

Die ATKV het onlangs die kampusdebatfinaal by die Noordwes-Universiteit se Potchefstroomkampus ondersteun.

andre velts

KYK: Andre Velts gesels by ATKV-Inkstories

Andre Velts, regisseur van Raaiselkind, Die Pro en nog ander rolprente het onlangs by ATKV-Inkstories gesels oor hoe jy ’n boek in ’n rolprent omskep.

artéma kursus

KYK: Kunste-liefhebbers bemagtig by KKNK

Die ATKV, die Instituut vir Kunstebestuur en Ontwikkeling van die Noordwes-Universiteit (Artéma) en die KKNK het onlangs mense wat ’n passie vir die kunste het, opgelei en met die nodige gereedskap toegerus om ’n sukses van hul loopbaan te maak.

kursus

ATKV, KKNK en Artéma wil kunste-liefhebbers bemagtig

Die ATKV, die Instituut vir Kunstebestuur en Ontwikkeling van die Noordwes-Universiteit (Artéma) en die KKNK wil mense wat ’n passie vir die kunste het, oplei en met die nodige gereedskap toerus om ’n sukses van hul loopbaan te maak.

dr. Makhosi Khoza

Kom vind uit hoe ons tale stille vennote kan wees

Op 10 April gaan dr. Makhosi Khoza en dr. Danny Titus, uitvoerende direkteur: korporatiewe aangeleenthede van die ATKV, besin oor die rol van taal in sosiale kohesie.

Moedertaalmaand in #mytaal

Die ATKV glo dat moedertaalonderrig 'n sleutelfaktor in sukses is. Deur ons verskillende projekte wil ons graag alle deelnemers help om sukses te behaal

ATKV-jeugprojekte

Laat jou kind floreer met ATKV-Jeugprojekte

Die ATKV glo dat die jeug van onskatbare waarde vir die toekoms van ons land is en met verskeie jeugprojekte wil dié organisasie ’n florerende landskap vol geleenthede vir die jeug skep.

danny titus

Dr. Danny Titus oor UP se nuwe taalbeleid

Suzaan Steyn van Nuusdag Perspektief  gesels met dr. Danny Titus, uitvoerende direkteur van korporatiewe aangeleenthede by die ATKV en voorsitter van die DAK-direksie, 'n liggaam wat hom vir Afrikaans beywer, oor die besluit van die Universiteit van Pretoria om Afrikaans as onderrigtaal af te skaf.

 

Seymour Bothman KLOP

Seymour Bothman gesels op KLOP!

Seymour Bothman, bestuurder: onderwys by die ATKV, het onlangs op KLOP! gesels oor die uitdagings en die suksesverhale in die skole waar die ATKV werksaam is.

kinders op skool

'Vat hande, maak skole beter'

Met die begin van die nuwe skooljaar is daar opnuut ’n fokus op die doeltreffendheid van die Suid-Afrikaanse skoolstelsel. Seymour Bothman, bestuurder: onderwys by die ATKV, gee sy mening.

Garage Dance ensemble upington optrede

Roerende produksie ten bate van ATKV-leesprojekte

Digkuns word deesdae nie meer net tot die blaaie van 'n bundel beperk nie. Deesdae kry woorde met behulp van musiek, beweging, dans en teater nuwe lewe.

reuben riffel

Bekende sjef met ATKV-Oorkonde vereer

Reuben Riffel, bekende sjef en restauranteienaar, is Maandag in swierige styl by sy restaurant, Reuben’s, in Franschhoek, met ’n ATKV-oorkonde vereer.

beter afrikaans

Beter Afrikaans kry nuwe tuiste by ATKV

Beter Afrikaans het ’n nuwe tuiste by die ATKV gekry, wat beteken dat daar nuwe moontlikhede veral in terme van onderwys vir Beter Afrikaans voorlê.

#Heldhaftig: Blinde teatergeselskap oorkom die onmoontlike

Nie alle helde dra noodwendig ’n mantel nie – om die waarheid te sê, die meeste helde kan nie vlieg nie! En, kom ’n mens agter, party helde kan nie eens sien of hoor nie.

Sonél Brits

Sonél Brits nuwe besturende direkteur van ATKV-MSW

Die ATKV het bekend gemaak dat me. Sonél Brits die nuwe besturende direkteur van die ATKV-MSW (maatskappy sonder winsoogmerk) is.

 ATKV se #AJV2018: kwaliteit, kreatiwiteit in die vierde industriële revolusie

ATKV se #AJV2018: kwaliteit, kreatiwiteit in die vierde industriële revolusie

In wat deesdae die vierde industriële revolusie gedoop word, is dit vir organisasies en individue toenemend ’n stryd om te floreer en innoverend in hul gemeenskappe en die samelewing te wees.

Bridgitte Mathews aangewys as voorsitter van die ATKV-direksie

Bridgitte Mathews aangewys as voorsitter van die ATKV-direksie

Die ATKV het Donderdag die laaste dag van die algemene jaarvergadering by ATKV-Klein-Kariba (Bela-Bela) afgesluit met ’n nuwe direksievoorsitter. Die ondervoorsitter Bridgitte Mathews sal die leisels by die uittredende voorsitter, Anton Redelinghuis, oorneem. “Ek weet dat die ATKV aan niemand anders as sy lede behoort nie,” sê Bridgitte. “Dit gaan uitdagend wees om Anton se ...

Besturende direkteur van ATKV-MSW bedank

Dit is met spyt dat die ATKV-MSW kennis neem van die bedanking van die besturende direkteur, me. Deidre Le Hanie.