ATKV-tak Cum Laude se Drama Indaba verryk, lig in
Die ATKV-tak Cum Laude van Pretoria het onlangs ’n Drama Indaba met groot sukses aangebied. Hier is ’n paar foto's.
Die dramaturg Schalk Schoombie se praatjie se tema was “SA teenoor die wêreld”. Andre Velts, regisseur van onder meer “Raaiselkind”, het kom gesels oor wat regisseurs van jong akteurs verwag. Die ATKV-tak Cum Laude se Renoster F-projek is ook tydens die Drama Indaba bekendgestel.
Vir meer inligting oor die ATKV-tak Cum Laude se Renoster F-projek klik hier of besoek die Facebookblad.
Die Drama Indaba van die ATKV-tak Cum Laude van Pretoria was ’n reusesukses en groot pret. Anne-Mari du Rand van die Laerskool Wierdapark het haar gate uit geniet. Die doel van die Drama Indaba is om die onderwys en die vermaaklikheidsbedryf bymekaar uit te bring.
Altesaam 46 onderwysers van 33 skole het die Drama Indaba bygewoon.
Andre Velts besig om ’n paar vrae te beantwoord. Daar is ernstig gesels oor die bedryf en sy passie vir sy werk was ooglopend.
Luan Jacobs, bekend vir sy rol in onder meer die rolprent “Ballade vir ’n Enkeling”, het ook ’n draai by die Drama Indaba gemaak. Hy ondersteun ook die Renoster F-projek.