Skip to the content

Jeugberaad

ATKV-Jeugberaad

As jy ’n oopkop-denker in graad 10 en 11 is, bied die ATKV-Jeugberaad jou die geleentheid om saam te kom gesels oor politiek, ekonomie, onderwys, tegnologie en die samelewing. Daarbenewens is dit ook vet pret!

Vir meer inligting oor die ATKV-Jeugberade kontak vir Annemarie Alberts by annemariea@atkv.org.za of 011 919 9066.

 

Die brosjures en inskrywingsvorms vir 2021 is nou beskikbaar:

ATKV-Jeugberaad 2021: Brosjure

ATKV-Jeugberaad 2021: Brochure

Sit jy met jou hande in jou hare as dit kom by die kweek van jong leiers in die klaskamer? Vrees nie, die ATKV se Aktiwiteitshandleiding vir Leierskapsontwikkeling is net vir jou. Vind van ysbrekers tot aktiwiteite om leerders te help om beter te kommunikeer, beter te luister en nog vele meer in hierdie maklike gids.

Daar is speletjies te kies en te keur – of jy net 5 minute het of ’n halfuur om die jongklomp besig te hou. Sommige van
die speletjies kan jy sommer in jou klaskamer speel, terwyl ander op die rugbyveld gespeel word. ’n Lys van rolprente met uitgewerkte vraelyste is ideaal vir begripsinoefening.

Die ATKV besef dat onderwysers baie besig is en nie altyd die tyd het om speletjies uit te dink nie. Met die ATKV se Aktiwiteitshandleiding vir Leierskapsontwikkeling wil ons jou hande sterk maak en ook ’n verskil in jong mense se lewe maak.

Die eerste uitgawe van die Aktiwiteitshandleiding vir Leierskapsontwikkeling is in Afrikaans, Engels en in Zoeloe beskikbaar en kos net R100 elk. Spesiale pakkette is ook beskikbaar.

Vir inligting of bestellings kontak vir Annemarie Alberts by 011 919 9066 of stuur ’n e-pos aan annemariea@atkv.org.za.

Klik hier vir ’n voorsmakie. Gaan loer gerus en bestel nou die Aktiwiteitshandleiding vir Leierskapsontwikkeling!