In hierdie afdeling

As jy ’n oopkop-denker in graad 10 en 11 is, bied die ATKV-Jeugberaad jou die geleentheid om saam te kom gesels oor politiek, ekonomie, onderwys, tegnologie en die samelewing. Daarbenewens is dit ook vet pret!

Vir meer inligting oor die ATKV-Jeugberade kontak vir Annemarie Alberts by annemariea@atkv.org.za of 011 919 9066.

ATKV-Jeugberaad 2023: Inskrywingsvorm

ATKV-Jeugberaad 2023: Entry form

Sit jy met jou hande in jou hare as dit kom by die kweek van jong leiers in die klaskamer? Vrees nie, die ATKV se Aktiwiteitshandleiding vir Leierskapsontwikkeling is net vir jou. Vind van ysbrekers tot aktiwiteite om leerders te help om beter te kommunikeer, beter te luister en nog vele meer in hierdie maklike gids.

Daar is speletjies te kies en te keur – of jy net 5 minute het of ’n halfuur om die jongklomp besig te hou. Sommige van
die speletjies kan jy sommer in jou klaskamer speel, terwyl ander op die rugbyveld gespeel word. ’n Lys van rolprente met uitgewerkte vraelyste is ideaal vir begripsinoefening.

Die ATKV besef dat onderwysers baie besig is en nie altyd die tyd het om speletjies uit te dink nie. Met die ATKV se Aktiwiteitshandleiding vir Leierskapsontwikkeling wil ons jou hande sterk maak en ook ’n verskil in jong mense se lewe maak.

Die eerste uitgawe van die Aktiwiteitshandleiding vir Leierskapsontwikkeling is in Afrikaans, Engels en in Zoeloe beskikbaar en kos net R100 elk. Spesiale pakkette is ook beskikbaar.

Vir inligting of bestellings kontak vir Annemarie Alberts by 011 919 9066 of stuur ’n e-pos aan annemariea@atkv.org.za.

Klik hier vir ’n voorsmakie. Gaan loer gerus en bestel nou die Aktiwiteitshandleiding vir Leierskapsontwikkeling!

e-Beraad: ’n Jeugberaad met skop

Die Covid-19-pandemie het so ’n bietjie die ATKV se planne vir die ATKV-Jeugberaad in die wiele gery. In die lig daarvan het ons dit goed gedink om ’n paar inspirerende video's met jou te deel totdat ons weer in lewende lywe saam kan kuier.

Ons het gaan kers opsteek by:

G.P. van Rheede van Oudtshoorn, ’n konsultant en spreker wat spesialiseer in korporatiewe kommunikasie. G.P. gesels oor "Maak die gasbottel vol".

Albert van Wyk, eiendomsbelegger, entrepreneur en skrywer van topverkoper “How to become a millionaire at 22”. Albert gesels oor "Baksteen vir baksteen".

Handré Meyer, proponent, wetenskaponderwyser en Jeugberaad 2019-programleier. Handré gesels oor "Veerkragtigheid is vier-letter woord".

Manie Botha, nuwegenerasiespesialis en leierskapafrigter. Manie gesels oor "Sleutels tot persoonlike groei".

Tarien Steinberg, onderwyseres by die Hoërskool Witteberg. Tarien gesels oor "Seisoene van die lewe".

Dr. Francois Naudé, motiveringspreker vir onderwysers, bekroonde onderwyser, doktorsgraad in wetenskaponderwys, en stigter van maatskappy Phoenix Education Engineers. Francois gesels oor "Hoe om angs en hopeloosheid te hanteer soos ’n superonnie".

Lehandi Eygelaar, onderwyser by die Hoërskool Dirkie Uys en Jeugleiersimposiumprogramleier. Lehandi gesels oor “Kom ons wees hoop”.