In hierdie afdeling

Die ATKV-Kletskring is ’n jaarlikse ATKV-projek wat vir oopkopdenkers in graad 10 en 11 aangebied word. Die byeenkoms gee leerders die kans om saam te kom gesels oor die politiek, die ekonomie, die onderwys, tegnologie en die samelewing – sake wat hul lewens beïnvloed. Dit is die ideale geleentheid om nie net leerders se horisonne te verbreed nie, maar om sommer ook vet pret te hê.

Kundige sprekers kom gesels met die leerders en bied ’n breër beeld van die omgewing en die wêreld waarin jongmense leef. Sprekers soos Albert van Wyk (How to Become a Millionaire at 22), Dawie Roodt (Efficient Group), Pieter du Toit (News24) en prof. Edwin Theron (Universiteit Stellenbosch) was al aanbieders by die ATKV-Kletskring.

Daar is ook tyd vir speel en om die ATKV-oord se fasiliteite te geniet. Sterk vriendskapsbande word met maats van die ander skole gesmee en hulle hou steeds kontak met mekaar lank ná die Kletskring verby is. Kletskring-kursusgangers ontvang ’n ATKV-bywoningsertifikaat.

Vir meer inligting oor die ATKV-Kletskring, kontak Annemarie Alberts by annemariea@atkv.org.za, of skakel 011 919 9066.

ATKV-Kletskring 2024: Inskrywingsvorm

ATKV-Kletskring 2024: Entry form

Sit jy met jou hande in jou hare as dit kom by die kweek van jong leiers in die klaskamer? Vrees nie, die ATKV se Aktiwiteitshandleiding vir Leierskapsontwikkeling is net vir jou. Vind van ysbrekers tot aktiwiteite om leerders te help om beter te kommunikeer, beter te luister en nog vele meer in hierdie maklike gids.

Daar is speletjies te kies en te keur – of jy net 5 minute het of ’n halfuur om die jongklomp besig te hou. Sommige van
die speletjies kan jy sommer in jou klaskamer speel, terwyl ander op die rugbyveld gespeel word. ’n Lys van rolprente met uitgewerkte vraelyste is ideaal vir begripsinoefening.

Die ATKV besef dat onderwysers baie besig is en nie altyd die tyd het om speletjies uit te dink nie. Met die ATKV se Aktiwiteitshandleiding vir Leierskapsontwikkeling wil ons jou hande sterk maak en ook ’n verskil in jong mense se lewe maak.

Die eerste uitgawe van die Aktiwiteitshandleiding vir Leierskapsontwikkeling is in Afrikaans, Engels en in Zoeloe beskikbaar en kos net R100 elk. Spesiale pakkette is ook beskikbaar.

Vir inligting of bestellings kontak vir Annemarie Alberts by 011 919 9066 of stuur ’n e-pos aan annemariea@atkv.org.za.

Klik hier vir ’n voorsmakie. Gaan loer gerus en bestel nou die Aktiwiteitshandleiding vir Leierskapsontwikkeling!