Gauteng haal asem tydens sesde Tjokkertoneel

Die eerste tree op ’n verhoog verg moed en dikwels begin ’n lewenslange liefde vir teater met daardie een diep asemteug.

Van 22 tot 25 Julie 2026 het die Unisa-kleinteater in Pretoria die verhoog gebied vir die Gauteng-streeksfees van die sesde ATKV-Tjokkertoneel. Altesaam 467 jong deelnemers het in 27 produksies hul verbeelding, kreatiwiteit en spelvernuf met gehore gedeel.

Met vanjaar se tema, “ASEM”, het elke produksie bewys dat groot stories nie deur ouderdom bepaal word nie, maar deur die moed om dit te vertel. Die Gauteng-streeksfees was die eerste hoofstuk van ’n nasionale Tjokkertoneelseisoen waarin 1 325 jong deelnemers in 60 produksies regoor Suid-Afrika hul liefde vir die verhoog uitleef.

Waar talent die kans kry om te groei

ATKV-Tjokkertoneel gaan oor veel meer as toekennings. Dit is ’n ruimte waar jong kunstenaars aangemoedig word om hulself kreatief uit te druk, nuwe vaardighede te ontwikkel en selfvertroue op én van die verhoog af te bou.

Die Gauteng-produksies is vanjaar begelei deur mentorbeoordelaars Kanya Viljoen en Liezl de Kock. Na afloop van die fees ontvang elke produksie pasgemaakte stemnotas met waardevolle terugvoer wat deelnemers en onderwysers help om verder te groei en te ontwikkel.

Gauteng se jong talent word vereer

Die streeksfees is met ’n feestelike prysuitdeling afgesluit waar uitstaande prestasies op én agter die verhoog erken is.

Toekennings en benoemings:

Beste hantering van tegniese aspekte

Nominasies

  Produksie Van 
1 Om te onthou Laerskool Helderkruin
2 Die bure Laerskool Jan Celliers
3 Die Neonkas Laerskool Roodekrans
4 Dagdromer Laerskool Roodekrans
Wenner: Die neonkas van die Laerskool Roodekrans

Toekennings vir spel

Beste tjokkerakteur

Nominasies

  Naam en van as in die produksie van 
1 Dian de Waal  Ethan (13)  Oogwink  Laerskool Protearif
2 Zander Jordaan Liam Kraakpunt Laerskool Protearif
3 Calvin Borcher JP Oceania se arms Laerskool Rustenburg
4 William Smith Dawie Kattekwaad kwadraat Laerskool Tygerpoort
Wenner: Zander Jordaan as Liam in die produksie Kraakpunt van die Laerskool Protearif

Beste tjokkeraktrise

Nominasies

  Naam en van as in die produksie van 
1 Marinel Coetzee Kiki Kiki Laerskool Wierdapark
2 Charlize Strydom Leah wees.huis Laerskool Unika
3 Jenna Doyer Oom Sepsis Die bure Laerskool Jan Celliers
Wenner: Jenna Doyer met Oom Sepsis in die produksie Die bure van die Laerskool Jan Celliers

Beste tjokkerensemble

Nominasies

  Produksie Van 
1 Kiki Laerskool Wierdapark
2 wees.huis Laerskool Unika
3 Die Neonkas Laerskool Roodekrans
4 Dagdromer Laerskool Roodekrans
Wenner: wees.huis van die Laerskool Unika

Produksietoekennings

Beste regie

Nominasies

1 Carla Hugo, Madi Hugo en Annatjie Jordaan Kiki Laerskool Wierdapark
2 Dané Evans Om te onthou Laerskool Helderkruin
3 Angela Sparks, Gabi Griezel, Kiara Mackenzie Die Neonkas Laerskool Roodekrans
4 Angela Sparks, Gabi Griezel, Kiara Mackenzie Dagdromer Laerskool Roodekrans
Wenner: Angela Sparks, Gabi Griezel, Kiara Mackenzie in die produksie Dagdromer van die Laerskool Roodekrans

Beste produksie

Wenner: Die neonkas van die Laerskool Roodekrans

Hoewel die gordyn in Pretoria gesak het, gaan die reis voort. Die volgende ATKV-Tjokkertoneel-streeksfees vind van 7 tot 8 Augustus 2026 by die Wynand Mouton-teater in Bloemfontein plaas, waar nóg jong storievertellers hul kans kry om die verhoog diep asem te laat haal.

Programme, kaartjies, produksie-inligting, feesnuus en uitslae is beskikbaar by www.asem.in.

Kom haal saam asem.