Pretoria vier teatermakers én ATKV-Sêr!

Ná vier Gauteng-streeksfeeste, duisende jong kunstenaars en ontelbare verhoogoomblikke het Pretoria die afgelope week vir oulaas diep asemgehaal.

Van 24 tot 29 Augustus 2026 het die UNISA-kleinteater die tuiste geword van ATKV-Tienertoneel se vierde Gauteng-streeksfees, waar 499 deelnemers in 30 produksies die laaste Pretoria-hoofstuk van die 62ste ATKV-Tienertoneelseisoen geskryf het.

As deel van vanjaar se tema, ASEM, het die week weer gewys hoeveel lewe daar in Suid-Afrikaanse jeugteater is. Elke produksie het sy eie wêreld, vrae en kreatiewe taal na die verhoog gebring – die eindproduk van maande se repetisies, spanwerk, dapper keuses en mense wat bereid was om jong kunstenaars die ruimte te gee om hul stem te ontdek.

Mentorskap hou die gesprek aan die gang

Die produksies is begelei deur mentorbeoordelaars Hannah Borthwick, Kanya Viljoen, Karli Heine en Bertha le Roux-Wahl.

Ná elke opvoering het deelnemers tydens intieme mentorsessies die geleentheid gekry om oor hul kreatiewe proses te besin en saam met die mentors na spel, regie, tegniese uitvoering en storievertelling te kyk.

Dit is een van die kernredes waarom ATKV-Tienertoneel ná 62 jaar steeds meer as ’n kompetisie is. Dit is die tuiste is vir jong kunstenaars wat nie net ’n verhoog kry nie, maar ook die geleentheid om te leer, vrae te vra en hul volgende werk met groter insig en selfvertroue aan te pak.

ATKV-Sêr laat die streeksfeesfinaal nóg dieper asemhaal

Die streeksfeesfinaal het nóg ’n kreatiewe dimensie gekry toe ATKV-Sêr ook die UNISA-verhoog betree het.

Hoërskool Garsfontein, Hoërskool Zwartkop en Hoërskool Noordheuwel het met drie Sêr-produksies gewys hoe dié vinnig groeiende deel van die ATKV-Toneelaanbod sy eie energie, musikaliteit en kleur na die fees bring.

Die Sêr-groepe ontvang pasgemaakte stemnotas van die mentors, sodat die gesprek en ontwikkeling ook ná die laaste noot kan voortleef. Só word ’n streeksfeesfinaal veel meer as ’n afsluiting – dit word ’n viering van uiteenlopende jong stemme wat saam die Afrikaanse uitvoerende kunste dieper laat asemhaal.

Gauteng 4 se uitblinkers vereer

Die fees is op 29 Augustus met ’n feestelike finaal en prysuitdeling afgesluit, waar uitstaande werk op én agter die verhoog erken is.

Tegniese toekennings

Beste verhoogbestuurder

Nominasies:

Naam en van

in die produksie

van

Arlo Espach

Die gas

Afrikaanse Hoër Seunskool

Suné Coetzee

op die rug van reuse

Hoërskool Noordheuwel

Angelique Vorster

Break-A-Leg

SSStudios en Hoërskool Stoffberg
Wenner: Arlo Espach in die produksie Die gas van die Afrikaanse Hoër Seunskool.

Beste beligtingsoperateur

Nominasies:

Naam en van

in die produksie

van

Connor Mackenzie

op die rug van reuse

Hoërskool Noordheuwel

Christiaan van der Merwe

Debuut

Helpmekaar Kollege
Wenner: Connor Mackenzie in die produksie op die rug van reuse van die Hoërskool Noordheuwel.

Beste klankoperateur

Wenner: Markus Knop in die produksie op die rug van reuse van die Hoërskool Noordheuwel.

Beste hantering van tegniese aspekte

Nominasies:

Produksie

van

Die gas

Afrikaanse Hoër Seunskool

op die rug van reuse

Hoërskool Noordheuwel

Atlantis in my gedagtes

Improv Studios

Wenner: Atlantis in my gedagtes van Improv Studios.


Toekennings vir spel

Beste akteur in ’n ondersteunende rol

Nominasies:

Naam en van

as

in die produksie

van

Luan Nabal

Stof

Die gas

Afrikaanse Hoër Seunskool

Keagan Swart

Luka

op die rug van reuse

Hoërskool Noordheuwel
Wenner: Luan Nabal as Stof in die produksie Die gas van die Afrikaanse Hoër Seunskool.

Beste aktrise in ’n ondersteunende rol

Nominasies:

Naam en van

as

in die produksie

van

Anzelle Vorster

Jamie

op die rug van reuse

Hoërskool Noordheuwel

Paige Alexander

Robin

op die rug van reuse

Hoërskool Noordheuwel
Wenner: Anzelle Vorster as Jamie in die produksie op die rug van reuse van die Hoërskool Noordheuwel.

Beste akteur in ’n hoofrol

Nominasies:

Naam en van

as

in die produksie

van

Erich Pieterse

Mika

Die gas

Afrikaanse Hoër Seunskool

Hanru Meyer

Damian

op die rug van reuse

Hoërskool Noordheuwel
Wenner: Erich Pieterse as Mika in die produksie Die gas van die Afrikaanse Hoër Seunskool.

Beste aktrise in ’n hoofrol

Nominasies:

Naam en van

as

in die produksie

van

Lenadri Groenewald

Logan

op die rug van reuse

Hoërskool Noordheuwel

Jana Enslin

Wilmie

Debuut

Helpmekaar Kollege

Symone Venter

Celeste

Debuut

Helpmekaar Kollege
Wenner: Symone Venter as Celeste in die produksie Debuut van die Helpmekaar Kollege.

Beste ensemble

Nominasies:

Produksie

van

Die Gas

Afrikaanse Hoër Seunskool

op die rug van reuse

Hoërskool Noordheuwel

Debuut

Helpmekaar Kollege
Wenner: Debuut van die Helpmekaar Kollege.

Produksietoekennings

Beste regie

Nominasies:

Naam en van

in die produksie

van

Ronèl de Beer en James Thom

Die gas

Afrikaanse Hoër Seunskool

Robert Kruger en Mariki de Villiers-Knop

op die rug van reuse

Hoërskool Noordheuwel
Wenner: Robert Kruger en Mariki de Villiers-Knop in die produksie op die rug van reuse van die Hoërskool Noordheuwel.

Beste produksie

Wenner: op die rug van reuse van die Hoërskool Noordheuwel.

En daarmee het die laaste streeksproduksies van ASEM 2026 hul buiging gemaak.

Ná ’n seisoen waarin die ATKV se toneelaanbod teaters regoor Suid-Afrika met jong stories gevul het, verskuif die aandag nou na die nasionale verhoog. ATKV-Tienertoneel se nasionale finaliste word op Dinsdag 1 September aangekondig en sal genooi word na die ATKV-Toneelaanbod se nasionale ASEM-finaal, wat van 28 September tot 3 Oktober in die Kunstekaap-teater in Kaapstad plaasvind.

Vir sommige deelnemers eindig vanjaar se reis hier. Vir ander wag daar nóg ’n verhoog, maar vir elke jong kunstenaar wat hierdie seisoen deelgeneem het, het iets reeds gebeur wat geen uitslag kan wegneem nie:

’n Storie het asem gekry!