Vandag se jeugleiers. Môre se verskilmakers.

Die ATKV-Jeugleiersimposium is ’n dinamiese leierskapsontwikkelingsprogram wat daarop gemik is om nuutverkose graad 6- en graad 11-leerders toe te rus met die kennis, vaardighede en selfvertroue om betekenisvolle en verantwoordelike leiers te wees binne hul skole, gemeenskappe en uiteindelik in die samelewing.

Deur die blootstelling aan topsprekers, praktiese werkswinkels en inspirerende gesprekke, skep die simposium ’n stimulerende leeromgewing waar jongmense hul unieke leierskapstyl kan ontdek en slyp. Die klem val op werklike vaardighede soos kommunikasie, spanwerk, besluitneming, empatie, probleemoplossing en die bou van ’n morele kompas – alles noodsaaklike boustene vir volhoubare leierskap.

Ons glo dat ware leierskap vroeg begin: wanneer jongmense die ruimte en ondersteuning kry om hul stem te ontdek, kan hulle nie net as verteenwoordigers funksioneer nie, maar as agente van verandering wat ander inspireer om saam te bou aan ’n meer regverdige en mededeelsame toekoms.

Deelnemers keer terug na hul skole met hernude selfvertroue en ’n groter begrip van hul rol as leiers. Die simposium bied ook geleenthede vir netwerkbou met ander jong leiers van regoor die land. Hierdie verbintenisse lê die grondslag vir ’n toekomstige generasie leiers wat saam dink, saam leer en saam groei.

Vir meer inligting oor die ATKV-Jeugleiersimposium, kontak asseblief vir Magon Mouton by magonm@atkv.org.za of skakel 011 919 9051.