ATKV-Tjokkertoneel - Speel tussen die sterre!

Die doel van die ATKV-Tjokkertoneel is die skep van ’n nasionale platform vir talentontwikkeling ter viering en opbou van laerskoolkinders deur toneelontwikkeling, gehoorontwikkeling en blootstelling aan goeie literatuur aan te moedig. Met ATKV-Tjokkertoneel word laerskole aangemoedig om die kinders bloot te stel aan teaterkuns en drama deur middel van mini-tonele.

Splinternuwe Tjokkertoneeltekste nou beskikbaar!

Om jou skool op die voorvoet te plaas, het die ATKV in 2022 ’n bundel met tekste vir ATKV-Tjokkertoneel bekendgestel. Deelnemers kan hierdie tekste, perfek vir Tjokkertoneel, in 2024 gebruik. Laai die bundel hier af, lees deur die tekste en gee lewe aan elke woord tydens vanjaar se ATKV-Tjokkertoneelkompetisie.