Skip to the content

ATKV-Tienertoneel – ’n Smeltkroes van kreatiwiteit!

Die ATKV-Tienertoneelkompetisie is die oudste projek van die ATKV en kweek steeds ’n liefde vir toneelskepping in Afrikaans, toneelspel en teater-kyk by hoërskoolleerders.

Met ATKV-Tienertoneel word leerders soveel geleenthede as moontlik gegee om by al die aspekte van die toneelstuk betrokke te raak, met ander woorde by die spel, regie, skryf van tekste, kostuums, dekor, grimering, klank, beligting, verhoogbestuur, choreografie en selfs bemarking!

Hierdie projek vind landwyd plaas deur die aanbied van streeksfeeste in Suid-Afrika en spog met ’n nasionale feesfinaal enig in sy soort waar die bestes van die bestes gekroon word.

Nuus

Tienertoneel 2021: Tieners blaas nuwe lewe in teaterindustrie

Weens ’n wêreldpandemie het dit ook in Suid-Afrikaanse teaters en op die verhoog stil geraak, maar jong teatermakers het weer nuwe lewe in die teaterindustrie geblaas.

ATKV-Tienertoneel raak parmantig in Pretoria!

Die tieners wat vanjaar deelgeneem het aan die Pretoria-streeksfees van die ATKV-Tienertoneelkompetisie het nie net geïnspireer nie, maar ook die verhoë laat bewe. Hier is die streeksfeeswenners. #Afrikaans #tienertoneel #toneel #weesdieverskil

ATKV-Tienertoneel maak die Kaap weer Hollands!

Die ATKV-Tienertoneelkompetisie het vanjaar weer nuwe hoogtes in die Wes-Kaap bereik met toneelgeselskappe wat nie geskroom het om met kreatiwiteit die planke te laat bewe nie. Hier is die streeksfeeswenners.

ATKV-Tienertoneel: Deelnemers skitter tydens JHB-streeksfees

Teater staan sterk in Johannesburg met 528 vreeslose deelnemers wat by die Johannesburg-streeksfees in die Roodepoort-teater hulle slag kom wys het.

Kontak Ons

JJ van Niekerk
ATKV-Tienertoneelprojekorganiseerder

jj@atkv.org.za
076 391 3414